अफगानिस्तानको पाक्टीका प्रान्तमा नेटोको हवाई आक्रमण, दश तालिबानीको मृत्यु
२९ वैशाख, काठमाडाैँ । पूर्वी अफगानिस्तानको पाक्टीका प्रान्तमा गएराति नेटोको अग्रसरतामा गरिएको चालकविहीन हवाई आक्रमणमा दश जना तालिबानीको मृत्यु भएको छ । प्रान्तीय प्रहरी प्रवक्ता शाह मोहम्मद आर्यानले स्थानीय प्रहरीको भनाई उद्धृत गर्दै बरमाल जिल्लाको मङ्गरित इलाकामा गरिएको हवाई आक्रमणमा १० जना मारिएको जानकारी दिनुभयो ।
राजधानी काबुलबाट करिब १५५ किलोमिटर दक्षिणमा गरिएको यस कारबाहीमा सर्वसाधारण नपरेको प्रहरीले दावी गरेको छ । तालिबान समूहले उक्त दुबै घटनाका बारेमा कुनै प्रतिक्रिया दिएको छैन ।
प्रकाशित मिति : २९ बैशाख २०७६, आईतवार ०७:२६
