ज्येष्ठ नागरिकसहित ४८ जना बचतकर्ताले पाए बचत फिर्ता

१० साउन, काठमाडाैं । समस्याग्रस्त सहकारी व्यवस्थापन समितिले समस्याग्रस्त घोषणा गरिएका सहकारी संस्थाहरूका ४८ जना बचतकर्तालाई करिब १२ लाख रुपैयाँ बचत रकम फिर्ता गरेको छ। समितिका अनुसार नेपाल सरकारले तोकेको प्राथमिकताका आधारमा ७० वर्ष उमेर पूरा गरेका ज्येष्ठ नागरिक, प्राणघातक रोगबाट पीडित प्रमाणित भएका व्यक्ति, एकल महिला, पूर्ण अपाङ्गता भएका नागरिक तथा पाँच लाख रुपैयाँसम्मको बचत भएका पीडित बचतकर्ताहरूलाई उक्त रकम उपलब्ध गराइएको हो।

एकपटकमा बचत रकमको अधिकतम ५० प्रतिशतसम्म, तर ५० हजार रुपैयाँ ननाघ्ने गरी रकम फिर्ता गर्ने व्यवस्था गरेको समितिले जनाएको छ ।