हिमाल दोलखा हाईड्रोपावरको स्थगित साधारण सभा पुनःबस्ने

५ असार, काठमाडाैं। हिमाल दोलखा हाईड्रोपावर कम्पनी लिमिटेडको स्थगित वार्षिक साधारण सभा पुनःबस्ने भएको छ । यही असार ४ गतेका लागि बाेलाएकाे कम्पनीको १७ औँ र १८ औँ वार्षिक साधारण सभा अब असार २६ गते बस्ने भएको हो ।

असार ४ गते दिउँसो ३ बजे बसेको कम्पनीको सञ्चालक समितिको ५८ औं बैठकले साधारण सभाको मिति पुनःतय गरेको हो । उक्त सभा ललितपुरको टौखेलमा रहेको बिग ब्याङ्क्वेट एण्ड इभेन्ट्समा बिहान साढे ९ बजेदेखि शुरु हुनेछ । यसअघि गणपूरक संख्या नपुगेका कारण कम्पनीका साधारण सभा स्थगित भएको थियो ।