दुई हाइड्रोले हकप्रद निष्कासन गर्न बोर्डसँग मागे अनुमति, कुनको कति ?

२५ जेठ, काठमाडौं । दुई हाइड्रोपावर कम्पनीले हकप्रद सेयर निष्कासनको अनुमति माग्दै नेपाल धितोपत्र बोर्ड (सेबोन) मा निवेदन दिएका छन् । पिपुल्स हाइड्रोपावर र अरुण काबेली पावरले हकप्रद सेयर निष्कासनको अनुमति माग्दै धितोपत्र बोर्डमा निवेदन दिएका हुन् ।

पिपुल्स हाइड्रोपावरले शतप्रतिशत अर्थात् १ः१ अनुपातमा ३ अर्ब २० करोड रुपैयाँ बराबरको ३ करोड २० लाख कित्ता हकप्रद सेयर निष्कासन गर्न बार्डमा निवदेन पेश गरेको हो । कम्पनीको हकप्रद सेयर निष्कासन तथा बिक्री प्रबन्धकमा सानिमा क्यापिटल लिमिटेड रहेको छ ।

त्यस्तै, अरुण काबेली पावरले २ः१ अनुपातमा १ अर्ब ९४ करोड ७९ लाख रुपैयाँ बराबरको १ करोड ९४ लाख ७९ हजार कित्ता हकप्रद सेयर निष्कासन गर्न बोर्डमा निवेदन दिएको हो । कम्पनीको हकप्रद सेयर निष्कासन तथा बिक्री प्रबन्धकमा कुमारी क्यापिटल लिमिटेड रहेको छ ।