सदनप्रति सरकारलाई जिम्मेवार बनाउन एमालेको आग्रह

३१ वैशाख, काठमाडौं । नेपाल कम्युनिष्ट पार्टी (एमाले) का सांसद राजेन्द्रकुमार राईले सदनप्रति सरकारलाई जिम्मेवार बनाउन आग्रह गर्नुभएको छ ।

प्रतिनिधिसभाको आजको बैठकमा सरकारको नीति तथा कार्यक्रममाथिको छलफलमा दलीय आधारमा भाग लिँदै राईले प्रधानमन्त्री वालेन्द्र शाहलाई छलफल र जवाफमा उपस्थित गराउन माग गर्नुभयो ।

आफूहरु हिजो पनि कुनै गैह्रसरकारी संस्थामा जागिर खाएर राजनीतिमा लागेको नभई निरन्तर जनताको सेवा गरेर आएकाले नयाँ सांसदहरुले पुराना सांसदप्रति पाठ पढाउन उचित नहुने तर्क उहाँले गर्नुभयो ।

सांसद राईले नेपालको आर्थिक समृद्धिका लागि औषधिकारुपमा प्रयोग गर्ने गरी गाँजाखेतीलाई वैधानिकता दिनुपर्ने तर्क गर्नुभयो ।