वैशाख महिनाका लागि घट्यो वाणिज्य बैंकहरूको ब्याजदर, कुनको कति ?

३० चैत, काठमाडौं । वाणिज्य बैंकहरूले वैशाख महिनाका लागि पनि ब्याजदर केही घटाएका छन् । हाल सञ्चालनमा रहेका २० वाणिज्य बैंकमध्ये चैतको तुलनामा वैशाखमा ७ बैंकले व्यक्तिगत मुद्दती निक्षेपको अधिकतम ब्याजदर घटाएका छन् भने १३ ले स्थिर राखेका छन् ।

वाणिज्य बैंकहरूले व्यक्तिगत मुद्दती निक्षेपमा दिने अधिकतम ब्याजदर औसतमा चैतको तुलनामा वैशाखमा ०.०९४ प्रतिशत बिन्दुले झरेको छ । चैतमा व्यक्तिगत मुद्दतीमा दिने अधिकतम ब्याजदर औसत ४.४९४ प्रतिशत रहेकोमा वैशाखमा ४.४०० प्रतिशतमा झरेको छ ।

 एभरेस्ट, हिमालयन, कुमारी, एनआईसी एसिया, राष्ट्रिय वाणिज्य, सिद्धार्थ र स्ट्यान्डर्ड चार्टर्ड बैंकले चैतको तुलनामा वैशाखमा ब्याजदर घटाएका छन् । त्यस्तै, कृषि विकास, सिटिजन्स, ग्लोबल आईएमई, नेपाल इन्भेस्टमेन्ट मेगा, लक्ष्मी सनराइज, माछापुच्छ्रे, नबिल, नेपाल बैंक, एनएमबी, एसबीआई, प्राइम कमर्सियल, प्रभु र सानि बैंकले चैतको तुलनामा वैशाखमा ब्याजदर स्थिर राखेका छन् ।

वैशाख महिनाका लागि व्यक्तिगत मुद्दती निक्षेपमा बैंकहरूले दिने ब्याजदरः