वाई–फाई नेपालको अपग्रेड अफर, उच्च गतिसँगै अन्य थप सुविधा

चैत, काठमाडाैं। नेपालकै सस्तो र भरपर्दो फाइबर इन्टरनेट सेवा प्रदायक ‘वाई–फाई नेपाल’ ले ईन्टरनेट अनुभवलाई थप स्तरीय बनाउन ‘अपग्रेड अफर’ सार्वजनिक गरेको छ । यस अफरमार्फत प्रयोगकर्ताहरूलाई अझ उच्च गति र थप सुविधा सहितको इन्टरनेट सेवा प्रदान गर्ने उद्देश्य राखिएको छ ।

यस क्याम्पेन अन्तर्गत हालको प्रयोगकर्ताहरूले आफ्नो इन्टरनेट प्याकेजलाई १०० एमबीपीएसको इन्टरनेटमा अपग्रेड गर्न सक्नेछन्, जसले गर्दा सहज स्ट्रिमिङ, छिटो डाउनलोड र काम तथा मनोरञ्जनका लागि उत्कृष्ट इन्टरनेट अनुभव प्राप्त हुनेछ। यो विशेष अफर ६ महिना, १२ महिना र २४ महिनाका सबै इन्टरनेट प्याकेजहरूमा उपलब्ध छ ।

यस अपग्रेड प्याकेज अन्तर्गत ग्राहकहरूले निःशुल्क डुवल ब्याण्ड राउटर प्राप्त गर्नेछन्, जसले अझ बलियो सिग्नल कभरेज, स्थिर कनेक्टिभिटी र एकै समयमा धेरै उपकरणहरूमा उत्कृष्ट इन्टरनेट प्रदर्शन सुनिश्चित गर्नेछ । साथै, विशेष सहकार्य अन्तर्गत ग्राहकहरूले निःशुल्क केपीआई हेलमेट पनि प्राप्त गर्नेछन् ।

कम्पनीका अनुसार, ‘अपग्रेड अफर’ ग्राहकहरूलाई अझ बढी गति, थप सुविधा र उत्कृष्ट इन्टरनेट अनुभव प्रदान गर्ने लक्ष्यका साथ तयार गरिएको हो ।

यो अपग्रेड अफर सीमित अवधिका लागि मात्र उपलब्ध छ । ग्राहकहरूलाई यसका सबै फाइदाहरूको पूर्ण लाभ लिन समयमै आफ्नो प्याकेज अपग्रेड गर्न प्रोत्साहित गरिन्छ। अन्य नियम तथा सर्तहरू लागू हुनेछन् ।