४ कम्पनीको सेयरमा सकारात्मक सर्किट, कुनको मूल्य कति बढ्यो ?

५ चैत, काठमाडौं । साताको अन्तिम कारोबारको दिन बिहीबार सेयर बजार उच्च अंकले बढेको छ ।यस दिन नेप्से ६४.६७ अंकले बढेर २८७७.०२ को विन्दुमा कायम भएको हो । बिहीबार ३४२ कम्पनीको ५ करोड ६९ लाख २० हजार ६०८ कित्ता सेयर किनबेच हुँदा २१ अर्ब २२ करोड ३४ लाख ९४ हजार रुपैयाँको कारोबार भएको छ ।

बिहिबार २४० कम्पनीको सेयर मूल्य बढेको छ भने २२ कम्पनीको घटेको छ । २ कम्पनीको सेयर मूल्य भने स्थिर रहेको हो । बिहिबार चार कम्पनीकाे सेयर मूल्यमा सकारात्मक सर्किट लागेकाे छ । यस दिन कर्पोरेट डेभलपमेन्ट बैंक, रिलायन्स स्पिनिङ मिल्स, सोलु हाइड्रोपावर र सालपा विकास बैंकको सेयरमा सकारात्मक सर्किट लागेको हाे ।