सर्वसाधारणलाई सिटिजन्स बैंकको साढे १ लाख कित्ता सेयर बिक्रीमा, न्यूनतम मूल्य कति ?

३ चैत, काठमाडौं । सिटिजन्स बैंक इन्टरनेसनल लिमिटेडले संस्थापक समूहतर्फको सेयर बिक्रीमा ल्याएको छ । बैंकले संस्थापक सेयरधनी  ज्योति रेग्मी अधिकारीले आफ्नो नाममा रहेको सेयर बिक्रीका लागि निवेदन दिएबमोजिम सेयर बिक्रीमा ल्याएको हो ।

बैंकले १ लाख ६९ हजार २१३ कित्ता संस्थापक सेयर बिक्री गर्न सूचना सार्वजनिक गरेको हो । उक्त सेयरको न्यूनतम मूल्य १२५ रुपैयाँ तोकिएको छ ।

बिक्रीमा राखिएको सो सेयर खरिद गर्न चाहाने जो कोही व्यक्ति वा संस्थाले तोकिएको मूल्यमा ३५ दिनभित्र बैंकको केन्द्रीय कार्यालय नारायणहिटी काठमाडौंमा आवेदन दिन सक्नेछन् ।