सुकेधारा र नैकापमा गाडीमा आगजनी
१९ फागुन, काठमाडौं । काठमाडौंको सुकेधारा र नैकापमा गाडीमा आगजनी भएको छ । सुकेधारा बा ७ च १४०१ र नैकापमा बीएए २८३६ नम्बरको गाडीमा आगजनी गरिएको अवस्थामा भेटिएको जिल्ला प्रहरी परिसर काठमाडौँका एसपी पवन भट्टराईले बताउनुभयो ।
प्रहरी उपरीक्षक भट्टराईले मंगलबार बिहान ३ बजेतिर गाडीहरूमा आगजनी भएको र आगजनी गरिएको गाडीमा दुर्गा प्रसाईंको पर्चा फेला परेको जानकारी दिनुभयो । प्रहरीले त्यसबारे अनुसन्धान गरिरहेको छ ।
प्रकाशित मिति : १९ फाल्गुन २०८२, मंगलवार १०:०७
