एक रुपैयाँ, एक स्कुटर ! दराज ११.११ अन्तर्गत विजेताले जितिन् एथर रिज्टा

२६ माघ, काठमाडाैं। ललितपुर हरिसिद्धी निवासी आश्मा दाहालले दराज नेपालको लोकप्रिय अभियान ११.११ को ‘१ रुपैयाँ डिल’ अन्तर्गत एथर रिज्टा इलेक्ट्रिक स्कुटर जितेकी छन् । उनी दराज ११.११ ‘द बिगेस्ट सेल अफ दि इयर’ को ग्राण्ड प्राइज विजेता बन्न सफल हुनुभएकाे हाे ।

दराज ११.११ अभियान नोभेम्बर १० को साँझ ८ बजेदेखि नोभेम्बर २१ सम्म सञ्चालन गरिएको थियो । यस अभियान अवधिभर ग्राहकहरूको अत्यधिक सहभागिता पश्चात यसलाई नोभेम्बर ३० सम्म विस्तार गरिएको थियो । अभियानको नियमानुसार १ रुपैयाँ डिलका सामग्रीहरू सफलतापूर्वक अर्डर गर्नुका साथै सबैभन्दा धेरै डेलिभर भएका अर्डर पूरा गर्ने र न्यूनतम १० हजार रुपैयाँ खरिद मापदण्ड पूरा गरेपछि आश्मा दाहाल ग्रान्ड प्राइजका लागि छनोट हुनु भएकाे थियाे ।

ग्राण्ड प्राइजः एथर रिज्टा ईलेक्ट्रिक स्कुटर

दराज ११.११ को ग्रान्ड प्राइजका रूपमा प्रदान गरिएको एथर रिज्टा इलेक्ट्रिक स्कुटर दैनिक प्रयोग र स्मार्ट शहरी यात्रालाई विशेष ध्यानमा राखेर डिजाइन गरिएको एथर इनर्जीको परिवारमैत्री स्कुटर हो ।

फराकिलो डिजाइन, उन्नत सुरक्षा फिचर्स, स्मार्ट ड्यासबोर्ड र सहज राइडिङ अनुभवका कारण एथर रिज्टा दिगो र व्यवहारिक इलेक्ट्रिक मोबिलिटीको नयाँ मानकका रूपमा परिचित छ । यसले गर्दा दराजको ११.११ अभियानको ग्रान्ड प्राइजका रुरुपमा एथर रिज्टाले अभियानलाई अझ विशेष बनाएको छ ।

१ रुपैयाँ डिल ग्रान्ड प्राइजसँगै, दराज नेपालले ११.११ अवधिमा सञ्चालन गरिएका अन्य आकर्षक उपहार योजनाका विजेताहरूको पनि घोषणा गरेको छ । राजविराजका सुवास विश्वकर्माले बिग डिजिटलद्वारा प्रायोजित एक जनाका लागि थाइल्याण्ड यात्रा जित्नु भएकाे छ । काठमाडाैंकाे कमलादीकी निकिता श्रेष्ठले एस्टाबेरीद्वारा प्रायोजित एक जोडीका लागि होटल कन्ट्री भिल्लामा बसाइ जित्नु भएकाे छ ।

त्यसैगरी, कुलेश्वर काठमाण्डौकी नम्रता सापकोटा, लहानकी कृपा शाही ठकुरी, बुटवलकी अलिशा श्रेष्ठ, ललितपुरकी शिवानी मिश्र तथा कोटेश्वर काठमाडौँका अभिषेक पौडेलले डा. शेठ्सद्वारा प्रायोजित एक–एक जोडीका लागि यती × रुपाकोटको बसाइ जित्नु भएकाे छ ।