हिमालयन बैंकको नाफा १ अर्ब २९ करोड, कस्ता छन् अन्य सूचक ?

१५ माघ, काठमाडौं । हिमालयन बैंक ले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। चालु आर्थिक वर्षको पुस मसान्तसम्ममा बैंकले १ अर्ब २९ करोड २६ लाख ८१ हजार नाफा कमाएको छ ।

यो नाफा गत आवको सोही अवधिको तुलनामा १५ प्रतिशतले थोरै हो । गत आवको सोही अवधिमा बैंकले १ अर्ब ५१ करोड ८७ लाख ७० हजार रुपैयाँ नाफा कमाएको थियो ।

यो अवधिमा बैंकको खुद ब्याज आम्दानी १०.१८ प्रतिशतले घटेर ४ अर्ब ७० करोड २३ लाख २७ हजार रहेको छ । यस्तै सञ्चालन नाफा ३ अर्ब १२ करोड ३३ लाख ६९ हजार रुपैयाँबाट १ अर्ब ८५ करोड ३७ लाख ८७ हजार रहेको छ ।

बैंकको वितरणयोग्य नाफा ९ अर्ब ७ करोड ३० लाख रुपैयाँ ऋणात्मक रहेको छ । बैंकको खराब कर्जा ४.९८ प्रतिशतबाट बढेर ७.९६ प्रतिशत पुगेको छ ।

२२ अर्ब ५८ करोड १६ लाख ६२ हजार रुपैयाँ चुक्ता पुँजी रहेको बैंकको जगेडा कोषमा २५ अर्ब ३० करोड ८७ लाख ५५ हजार रहेको छ ।बैंकको प्रतिसेयर आम्दानी ११.४५ रुपैयाँ र प्रतिसेयर नेटवर्थ १७४.२३ रुपैयाँ रहेको छ ।