३० लाख कित्ता ऋणपत्र निष्कासन गर्दै लक्ष्मी सनराइज बैंकले, बोर्डसँग माग्यो अनुमति

२ मंसिर, काठमाडौं। लक्ष्मी सनराइज बैंक लिमिटेडले ऋणपत्र निष्कासन गर्ने भएकाे छ । बैंकले ऋणपत्र निष्कासनकाे अनुमति माग गर्दै नेपाल धितोपत्र बोर्ड(सेबोन)मा आवेदन दिएको छ । बैंकले ‘ लक्ष्मी सनराइज डिबेञ्चर २०९२’ नामक ऋणपत्र निष्कासनको अनुमति माग गर्दै कात्तिक २५ गते आवेदन दिएको हो ।

बैंकले १ हजार अंकित दरका ३ अर्ब रुपैयाँबराबरको ३० लाख कित्ता ऋणपत्र निष्कासन गर्न लागेकाे हाे । बोर्डबाट अनुमति पाएसँगै बैंकले व्यक्तिगत तवरबाट १८ लाख कित्ता र सर्वसाधारणका लागि १२ लाख कित्ता गरी कुल ३० लाख कित्ता ऋणपत्र जारी गर्नेछ ।

बैंकको ऋणपत्र निष्कासन तथा बिक्री प्रबन्धकमा माछापुच्छ्रे क्यापिटल लिमिटेड रहेको छ । यो ऋणपत्रको अवधि १० वर्षको हुनेछ भने यसको वार्षिक प्रतिफल ७ प्रतिशत हुनेछ ।