प्रतिनिधि सभा अदालतले पुनःस्थापना नगरे राष्ट्रपतिले गर्नुपर्छः केपी ओली

२१ कात्तिक, काठमाडौँ । नेपाल कम्युनिष्ट पार्टी (एमाले) का अध्यक्ष केपी शर्मा ओलीले राष्ट्रपति रामचन्द्र पौडेलले विघटित प्रतिनिधि सभा पुनः स्थापना गर्नुपर्ने बताउनुभएकाे छ ।

एमालेको केन्द्रीय शिक्षा तथा मानवस्रोत विभागद्वारा आज आयोजित विद्वत्वर्गसँगको अन्तरसंवादमा अध्यक्ष ओलीले राष्ट्रपतिले असंवैधानिक ढंगले प्रतिनिधि सभा विघटन गरेकाले उहाँ आफैले पुनःस्थापना पनि गर्नुपर्ने बताउनुभएकाे हाे ।

उहाँलेले भन्नुभयाे, ‘जसले प्रतिनिधि सभा विघटन गर्छ, त्यसले पुनस्थापना गर्छ। कि त अदालतले गर्छ । होइन भने विघटन गर्ने राष्ट्रपतिले गर्नु पर्छ ।’ अध्यक्ष ओलीले जेनजी आन्दोलनपछि आवश्यकताको सिद्धान्तका नाममा सरकार गठन हुनु र संसद् विघठन हुन संविधानविपरीत भएको जिकिर गर्नुभयो ।

“पूर्वप्रधानन्यायाधीश राष्ट्रिय मानव अधिकार आयोगमा बाहेक अन्य कार्यकारी भूमिकामा आउनु असंवैधानिक हो भन्ने हाम्रो पार्टीको स्पष्ट मान्यता छ”, उहाँले भन्नुभयो, “विधिवत् जनादेशलाई मिचेर संविधानविपरीत स्वेच्छाचारी ढङ्गले सरकार चल्न सक्दैन ।”