सुनको मूल्यमा निरन्तर गिरावट, मंगलबार कतिमा हुँदैछ कारोबार ?

११ कात्तिक, काठमाडौं । नेपाली बजारमा निरन्तर सुनको मूल्यमा भारी गिरावट आइरहेको छ । अघिल्लो दिनको तुलनामा आज सुनको मूल्य तोलामा २ हजार ९ सय रुपैयाँले घटेको हो ।

नेपाल सुनचाँदी ब्यवसायी महासंघका अनुसार आज छापावाल सुन प्रतितोला २ लाख ३७  हजार रुपैयाँमा भईरहेको छ । अघिल्लो दिन सुनको मूल्य २ हजार रुपैयाँले घटेर छापावाल सुन प्रतितोला २ लाख ३९ हजार ९ सय रुपैयाँमा कारोबार भएको थियो । यस्तै आज चाँदीको मूल्य पनि तोलामा ६० रुपैयाँले घट्दै प्रतितोला २  हजार ९२० रुपैयाँमा कारोबार भईरहेको छ ।