दर खुवाउदै नारी निकुञ्ज साउथ अष्ट्रेलिया, लक्की ड्र मार्फत उपहारहरु समेत

एडिलेड । हिन्दु नेपाली नारीहरुको पर्व तीजको उपलक्ष्यमा एनआरएनए नारी निकुञ्ज साउथ अष्ट्रेलियाले २३ अगष्ट शनिवार तीज २०२५ आयोजना गर्ने भएको छ ।

नारी निकुञ्ज साउथ अष्ट्रेलिया संयोजक रिज्नु अधिकारीका अनुसार कार्यक्रम स्थानिय एभरेष्ट फङ्सन सेन्टर म्यारियनमा नेपाली चर्चित गायक राजन राज शिवाकोटी सहित अन्य स्थानिय कलाकारहरुको सहभागीमा कार्यक्रम हुने भएको छ ।

संयोजक अधिकारीका अनुसार प्रवेश नि शुल्क रहेको कार्यक्रममा एभरेष्ट रेष्टुरेन्टको संचालनको तेस्रो बर्षको उपलक्ष्यमा समेतमा दर खुवाउने कार्यक्रम रहेको बताईन । उनले सहभागीहरुका लागि सुनका गहना सहित लक्की ड्र मार्फत विभिन्न उपहार समेत प्रदान गर्ने बताईन् ।

यसै गरि सहभागीको मनोरञ्जनका आउन लागेका कलाकार शिवाकोटी  `यो मन र मेरो” `माया लाग्यो तिमीलाई”,  “एउटा मान्छे को”,  “मनले भन्यो”,  “छाउनी छाउनी”,  “फुलको थुङ्गो माटोको माया”,  “छम्का छम्की” गित चर्चित छन् ।

काभ्रेली गायक शिवाकोटी नेपाली सङ्गीतका एक प्रतिभाशाली र सम्मानित कलाकार हुन् जसले आफ्नो गायनशैली र मधुर आवाजले श्रोताहरूको मन जित्न सफल भएका छन्। उनको योगदान सङ्गीतको क्षेत्रमा उल्लेखनीय छ।