विश्व आर्थिक सम्मेलनमा सहभागी हुन प्रधानमन्त्री ओली आज राति स्विजरल्यान्ड जाँदै

६ माघ, काठमाडाैँ । विश्व आर्थिक सम्मेलनमा सहभागी हुन प्रधानमन्त्री केपी शर्मा ओली आज राति स्विजरल्यान्ड जाँदैछन् । प्रधानमन्त्री ओली १७ सदस्यीय प्रतिनिधि मण्डलको नेतृत्व गर्दै स्विजरल्यान्डको डाबोसमा हुने विश्व आर्थिक सम्मेलनमा सहभागी हुन जान लागेका हुन । प्रधानमन्त्रीका प्रेस संयोजक चेतन अधिकारीका अनुसार प्रधानमन्त्री ओली आज राति ८ः५० बजेको उडानबाट स्विजरल्यान्ड प्रस्थान गर्नेछन ।

यो फोरमको सम्मेलनमा नेपालका तर्फबाट पहिलोपटक प्रधानमन्त्री ओली सहभागी हुन लागेका हुन् । सम्मेलनबाट विदेशी लगानी भित्रयाउँन सहयोग पुग्ने नेपाली पक्षको विश्वास छ ।

प्रधानमन्त्रीको टोलीमा प्रधानमन्त्री पत्नी राधिका शाक्य, परराष्ट्रमन्त्री प्रदीपकुमार ज्ञवाली, अर्थमन्त्री युवराज खतिवडा, प्रधानमन्त्री प्रमुख सल्लाहकार विष्णु रिमाल, परराष्ट्र मामिला सल्लाहकार डा. राजन भट्टराई, परराष्ट्र सचिव शंकरदास वैरागीलगायत १७जना रहेका छन । टोली सम्मेलन सकाएर माघ १२ मा स्वदेश फर्कने कार्यक्रम छ ।