कांग्रेस चितवनका पूर्व सभापति तीर्थ भुषाललाई नेकपामा स्वागत गर्दै ओली र प्रचण्ड
५ माघ, काठमाडौँ । नेपाली कांग्रेस चितवनका संस्थापक समेत रहेका पूर्व सभापति तीर्थ भुषाल नेकपा प्रवेश गर्ने भएका छन । नेपाली कांग्रेसले कहिले राप्रपा र कहिले माओवादीको पुच्छर बनाएर रूच चिन्हमा मतदान गर्न नदिएको भनेर असन्तुष्ट रहेका भुषाल नेकपामा प्रवेश गर्न लागेका हुन ।
कांग्रेस चितवनको संस्थापक रहेका भुषाल पछिल्लो समय कांग्रेसको नीति र गतिबिधिबाट तीव्र असन्तुष्ट रहेका थिए । उनै भुषालको कमाण्डमा चितवनका अन्य कांग्रेस नेता कार्यकर्ता पनि नेकपा प्रवेश गर्न लागेका छन ।
नेकपाको केन्द्रीय कार्यालय धुम्बाराहीमा पार्टी अध्यक्षद्धय केपी शर्मा ओली र पुष्पकमल दाहाल प्रचण्डले भुषाललाइ नेकपामा प्रवेश गराउने तयारी गरेका छन । अहिले ४ः३० बजे पार्टी प्रवेशको कार्यक्रम रहेको छ ।
प्रकाशित मिति : ५ माघ २०७५, शनिबार १५:५६
