सेयर बजारमा ३४ अंकको वृद्धि, कारोबार रकम १४ अर्ब माथि

३२ असार, काठमाडाैं । साताकाे चाैंथाे काराेबारकारकाे दिन बुधबार सेयर बजार उच्च अंकले बढेर बन्द भएको छ । बुधबार नेप्से परिसूचक ३४.६१ अंकले बढेर २७९४.७८ विन्दुमा पुगेको छ।

नेप्सेसँगै यस दिन कारोबार रकम पनि उल्लेख्य बढेको छ। यस दिन ३३० स्टकको ९९ हजार ५०५ पटकको कारोबारमा १४ अर्ब ३ करोड ४८ लाख ३९ हजार रुपैयाँबराबरको ४ करोड ३१ लाख ११ हजार कित्ता सेयर खरिदबिक्री भएको छ।

यस दिन १० प्रतिशत केबिएल डिबेञ्चर २०९० र थ्रिस्टार हाइड्रोपावरको मूल्य सर्वाधिक १० प्रतिशत बढेको छ।  यस दिन बुटवल पावर कम्पनीकाे सर्वाधिक काराेबार भएकाे छ। सो कम्पनीको यस दिन ६१ करोड ८७ लाख रुपैयाँबराबरको सेयर खरिदबिक्री भएको छ।