काठमाडौं जिल्ला अदालतबाट हतकडीसहित थुनुवा फरार

१५ असार, काठमाडाैं । काठमाडौं जिल्ला अदालतबाट हत्कडीसहित एक थुनुवा फरार भएका छन् । फरार हुनेमा पश्चिम रूकुमको बाँफिकोट गाउँपालिका–१ घर भइ काठमाडौं गोंगबु बस्ने २१ वर्षीय निराजनजंग ठकुरी  छन् ।

आइतबार बयानका लागि अदालत लगेका उनी हतकडीसहित फरार भएको जिल्ला प्रहरी परिसर काठमाडौंका एसपी अपिलराज बोहराले जानकारी दिनुभयाे । उनलाई प्रहरीले जेठ ३० गते चोरी आरोपमा पक्राउ गरेको थियो।उनको मुद्दा अनुसन्धान सकेर प्रहरीले बयानका लागि आइतबार अदालतमा लगेको थियो। शौचालय जाने भनेर हिँडेका उनी फरार भएको एसपी बोहराले बताए।