देश संकटमा रहेकाे भन्दै पृथ्वी जयन्तीको पूर्वसन्ध्यामा दलहरूमाथि यसरी खनिए ज्ञानेन्द्र 

२६ पुस, काठमाडौं । पूर्वराजा ज्ञानेन्द्र शाहले देश संकटमा रहेकाे बताएका छन् । उनले मातृभूमिको अस्तित्वमा घात प्रतिघातको कालो बादल मडारिएको बताएका हुन् । पृथ्वी जयन्तीको अवसरमा शुभकामना व्यक्त गर्दै उनले पृथ्वीनारायण शाहको दिव्य उपदेशको मर्म अनुसार व्यवहार गर्न नसक्दा देशको अस्तित्वमा घात प्रतिघातको बादल मडारिएको बताएका हुन् ।

स्वतन्त्र राष्ट्रका लागि राष्ट्रनिर्माणको दिन महत्वपूर्ण क्षण हुने भन्दै उनले यस्ता क्षणलाई भुल्दा देश सकसपूर्ण र कपटपूर्ण अवस्थाबाट गुज्रिएको दावी गरे । पूर्वराजा शाहले नागरिकका निम्ति देशभन्दा ठूलो कुनै वाद वा विचार नहुने भन्दै नेपालीबीच फाटो पैदा गर्ने, सार्वभौमिक सर्वोच्चता, राष्ट्रिय एकता र सामाजिक सद्भावनालाई क्षति पुर्‍याउनेलाई प्रोत्साहन कुनै पनि वाद वा विचारको आडमा गर्न नहुने धारणा राखेका छन् ।

शुभकामनाकाे पुर्णपाठः