भुटानी नेपालीहरुको अन्तर क्याम्प भलिवलमा जित्यो- बेलडाँगीले

एडिलेड । अस्ट्रेलियाली भुटानी पहिलो क्याम्प स्तरीय भलिबल प्रतियोगिता २०२५ मा बेलडाँगी टिम २ ले जित्यो। प्रतियोगितामा साउथ अष्ट्रेलियका  नौ पुरुष टोली र दुई महिला टोलीहरू समावेश थिए। महिला फाइनलमा, बेलडाँगी १ ले बेलडाँगी २ लाई हराउँदै महिला च्याम्पियनशिप सुरक्षित गर्‍यो,भने  बेलडाँगी २ ले बेलडाँगीलाई निर्णायक ३-० सेटको जित हासिल गर्दै पुरुष तर्फको उपाधि जितेको छ ।

विजेता र उपविजेता दुवैलाई $१,००० र $५०० नगद पुरस्कार, ट्रफी, प्रमाणपत्र र कुखुराको भाले प्रदान गरियो। उत्कृष्ट खेलाडीहरूलाई व्यक्तिगत पुरस्कार पनि प्रदान गरियो। पुरस्कार टिआरजी सेवा प्रा. लि.का निर्देशक श्री राज सिलवाल र कार्यक्रम प्रबन्धक श्री अम्बर पौडेलले वितरण गर्नु भएको थियो ।

प्रतियोगिता संगै भएको राफलमा  धनमान राईले २४ क्यारेट सुनको सिक्री पहिलो पुरस्कार जिते भने बुद्धिमान राईले देउराली रेस्टुरेन्टबाट $५० को खाना भौचर र टीका भट्टराईले मोडर्न फेसन स्टोरबाट $३५ को उपहार कार्ड जितेका थिए ।

कार्यक्रममा अस्ट्रेलियाली ड्रुक भलिबल क्लबका अध्यक्ष कृष पौडेलले कार्यक्रमको सफलताप्रति सन्तुष्टि व्यक्त गर्दै आगामी बर्षको  प्रतियोगितालाई अझै राम्रो गर्नका लागि सुझाव  सङ्कलन गर्ने योजनाहरू रहेको बताए । भलिबल खेलाडी श्री मौसम घलेले युवाहरूलाई संलग्न गराउने र सामुदायिक स्वास्थ्य र कल्याणलाई प्रवर्द्धन गर्न खेलकुद मार्फत मैत्रीपूर्ण, समावेशी वातावरण प्रवर्द्धन गर्ने क्लबको प्रतिबद्धतामाथि प्रकाश पारेका थिए ।