विद्युत् प्राधिकरणका सहायक प्रबन्धक उप्रेती पक्राउ

११ चैत, काठमाडौं । नेपाल विद्युत् प्राधिकरणका सहायक प्रबन्धक ध्रुव कुमार उप्रेती पक्राउ परेका छन् । सर्वोच्च अदालतले गैरकानुनी सम्पत्ति आर्जनसम्बन्धी मुद्दामा उप्रेतीलाई दोषी ठहर गरेको थियो ।

उप्रेतीलाई गत मंसिर १२ गतेको सर्वोच्चको फैसलाले दुई करोड ५५ लाख १६ हजार ४ सय ८३ रुपैयाँ जरिबाना र ६ महिना कैद ठहर गरेको थियो । त्यसयता फरार रहेका उनलाई नेपाल प्रहरीको केन्द्रीय अनुसन्धान ब्यूरा (सीआईबी)ले हिजो चैत १० गते आइतबार काठमाडौं महानगरपालिका–१६ स्थित वनस्थलिबाट पक्राउ गरेको हो । सीआईबी प्रवक्ता सुधिर राज शाहीका अनुसार उप्रेतीलाई फैसला कार्यान्वयनका लागि आज काठमाडौं जिल्ला अदालतमा पेस गरिएको थियो । साथै, उनलाई आजै डिल्लिबजार कारागार चलान गरिएको प्रवक्ता शाहीले जानकारी दिनुभयाे ।