आइतवार एक्सपट एन्का सुपर लिग क्रिकेटको फाइनल
एडिलेड । साउथ अष्ट्रेलियाको एडिलेडमा जारी एक्सपट एन्का सुपर लिगको फाइनल खेल आगामी मार्च २ आइतवार गत वर्षको विजेता साउदर्न नाइटस र भिएक्सएल युनाईटेड विच हुने भएको छ ।
नेप्लिज क्रिकेट एसोसियसन(एन्का)द्वारा आयोजित लिगको फाइनल खेल एडिलेडको क्यालेट ओवल, मा दिनको ३.०० बजेबाट हुने भएको छ ।विजयी टिमलाई रनिङ शिल्ड, अष्ट्रेलियन डलर ४००० र उप विजेतालाई अष्ट्रेलियन डलर १००० सहित खेलाडीहरुलाई मेडल तथा प्रमाणपत्र प्रदान गरिने भएको छ ।
फाईनल खेललाई उच्च स्तरको बनाउन समेत साउथ अष्ट्रेलियन क्रिकेट एसोसियसन (साम्का)का रेफ्रिहरुबाट संचालन गरिने भएको छ | एन्का अध्यक्ष विजय जोशीले यस लिगले खेलाडीहरुलाई क्रिकेटको माथिल्लो तहका खेलका लागि प्रवेशको खुट्किलो हुने समेत बताउनु भयो । उहाले राम्रो प्रदर्शन गर्ने खेलाडीहरु स्थानिय प्रिमियर क्लवहरुमा समेत छनौट हुने संभावना रहेको बताउनु भयो ।
अध्यक्ष जोशीले खेलाडीहरुलाई प्रोत्साहित गर्न तथा मनोरञ्जनका लागि खेल हेर्नका लागि सबै एडिलेसवासी नेपालीहरुलाई निमन्त्रणा गरेका छन् ।
प्रकाशित मिति : १७ फाल्गुन २०८१, शनिबार ०८:२८