साउथ अष्ट्रेलिया सरकार समेतको सहयोगमा एडिलेडमा शिवरात्री विशेष कार्यक्रम हुदै

एडिलेड । नेपाली भजन कीर्तन समुह एडिलेडको आयोजनामा फ्रेब्रुअरी २६ बुधबार शिव रात्रीको उपलक्ष्यमा भजन कीर्तन सहितको पुजा आराधना कार्यक्रम हुने भएको छ ।

स्थानिय कोसग्रोभ हल, क्लोभेली पार्कमा कार्यक्रम आयोजना हुने भएको छ । दिनको २ बजेबाट पुजा शुरु हुने छ भने साझ भजन किर्तन हुने र साझ १० बजे कार्यक्रम समापन हुने नेपाली भजन कीर्तन समुहका कावा अध्यक्ष डा.दया पराजुलीले बताउनु भयो । डा. पराजुलीका अनुसार भक्तजनहरु भेटी र सहयोगले विगत देखी कार्यक्रमहरु संचालन हुदै आएकोमा यस बर्ष देखी साउथ अष्ट्रेलिया सरकारले समेत आर्थिक सहयोग उपलब्ध गराएको छ ।

२०१८ देखि एडिलेडमा हुदै आएको शिव रात्री विशेष कार्यक्रममा यस बर्ष पनि विगत वर्षहरुमा झै परम्परागत प्रसाद हलुवा तरकारी वितरण गरिने कार्यक्रम संयोजक हरि रेग्मीले बताउनु भयो ।

ब्रह्माले रूद्ररूपी शिवजीलाई उत्पन्न गरेको दिन, शिव पार्वतीको विवाहको दिन शिवरात्री पर्व कृष्ण चतुर्दशीमा मनाइन्छ । हिन्दुहरुको प्रमुख पर्व हो महाशिवरात्रि भगवान शिव उत्पत्ति हुनुभएको रातका नामवाट नामकरण भएको यो पर्व कालरात्रि मोहरात्रि सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका हो । जसको पुराणहरूमा वर्णित छ । फागुन कृष्ण चतुर्दशीका दिन मनाइने यस पर्वलाई सम्पूर्ण दीनदुःखी र कष्टपूर्ण अवस्थामा रहेका प्राणीहरूको हृदयमा धर्मको उदय गराउने आशुतोष भगवान शिवको प्यारो दिनका रूपमा लिइने गरिन्छ ।

नेपालमा व्रतहरु मध्ये सर्वोत्तम कहलिएको महाशिवरात्रिका दिन भक्तजनहरूले शुद्ध भई शिव मन्दिरमा पूजा-अर्चना गरी व्रत बस्ने र भगवान् शिवको प्रिय वस्तु दूध, धतुरो र बेलपत्र चढाउने चलन रहेको छ । शिव रात्रिमा वर्त बसी ” ऊँ नमः शिवाय” मंत्र जप गरि सर्वसिद्धि लाभ भई यमलोक जानु नपर्ने धार्मिक विश्वास रहेको छ ।