नेपाल आइडल २ का विजेता रवि आमाको शोककै बीचमा सांगीतिक प्रस्तुतीका लागि जापान उडे

१७ पुस, काठमाडाैँ । नेपाल आइडलमा सहभागी टप ५ प्रतिस्पर्धीलाई विश्वका विभिन्न राष्ट्रहरुमा प्रस्तुतिका लिएर लैजाने निर्णय अनुसार पहिलो कार्यक्रम जापानमा गर्ने भएको छ । जापानमा हुने कार्यक्रमका लागि उत्कृष्ट पाँच जनाको टोली सोमबार बेलुका जापान उडेको छ ।

नेपाल आइडलका आयोजकले नेपाल आइडलमा सहभागी टप ५ प्रतिस्पर्धीलाई विश्वका विभिन्न राष्ट्रहरुमा प्रस्तुतिका लिएर जाने निर्णय यसअघि नै गरेको थियो । सोही निर्णय अनुसार नेपाल आइडल २ को पहिलो अन्तर्राष्ट्रिय सांगीतिक प्रस्तुति जापानमा हुँदै छ ।

कार्यक्रममा सहभागिता जनाउनका लागि नेपाल आइडलका टप ५ प्रतिस्पर्धी जापान उडेका छन् । टोलीमा नेपाल आइडलका उत्कृष्ट पाँच प्रतिस्पर्धी रवि ओड, विक्रम बराल, अस्मिता अधिकारी, सुमित पाठकका साथमा अमित बराल पनि रहेका छन् ।