गायक सज्जनराज वैद्य पहिलो पटक एडिलेड आउदै

एडिलेड । गायक तथा संगीतकार सज्जनराज वैद्यले आफ्नो अष्ट्रेलियाको सांगीतिक यात्राका क्रममा विभिन्न शहरहरूमा विशेष प्रस्तुति दिने भएका छन् । यसै क्रममा उनले एडिलेडमा फेब्रुअरि ७मा सांगीतिक कार्यक्रम प्रस्तुत गर्ने भएका छन्  । फुत्केर गयो नि यो उमेर नि, सस्तो मुटु, नगन्य माया, कान्छी ए मेरी कान्छी, कखग जस्ता पछिल्लो समय युवाहरु माझ लोकप्रिय रहेका वैद्यले एडिलेडको हिन्डली स्ट्रिट म्युजिक हलमा आफ्नो  प्रस्तुति दिने छन् । पहिलो पटक एडिलेड आउन लागेका वैद्यको सांगितिक कार्यक्रम एस के ईभेन्ट र थ्रि केजी ईभेन्टको संयुक्त आयोजनामा हुन लागेको हो । थ्रि केजी ईभेन्टका  निर्देशक खुम घलेले सज्जनराजले सबै उमेर समुहलाई मन पर्ने गित संगित प्रस्तुत गरेकाले एडिलेडमा रहेका सबै उमेर समुहका दर्शक श्रोता आउने बताए । 

१८०० क्षमता भएको हलको १००० भन्दा बढि टिकट बिक्री भैसेकाले आफ्नो टिकट सुरक्षित गर्न एस के ईभेन्टका निर्देशक कमल थापा मगरले आग्रह गरेका छन् ।