घ्रुवकुमार रावललाई गोविन्द वियोगी विशेष पत्रकारिता पुरस्कार’

१९ पुस, नुवाकोट । ‘गोविन्द वियोगी विशेष पत्रकारिता पुरस्कार’ बाट नेपाल पत्रकार महासंघका निवर्तमान केन्द्रीय सदस्य ध्रुवकुमार रावल सम्मानित हुनुहुने भएको छ । यो समयको प्रधानसम्पादक रावलले २०५७ सालबाट रेडियो नेपाल मार्फत पत्रकारिता सुरू गर्नुभएको थियो ।

त्रिशूली खबर साप्ताहिकको संस्थापक सम्पादक तथा प्रकाशक समेत रहनुभएको रावलसहित नेपाल पत्रकार महासंघ बझाङका अध्यक्ष डिबी विष्टलाई पनि यस वर्षको ‘गोविन्द वियोगी विशेष पत्रकारिता पुरस्कार’बाट पुरस्कृत गरिने समाजले जनाएको छ ।

यस्तै पर्वतबाट प्रसारण हुने महिलाहरुद्वारा सञ्चालित सामुदायिक रेडियो ९५.२ मेगाहर्जलाई ‘गोविन्द वियोगी पत्रकारिता पुरस्कार’ बाट पुरस्कृत गरिने समाजले जनाएको छ । संस्थागत र व्यक्तिगतरुपमा प्रदान गरिने पुरस्कार राशी क्रमश: २५ हजार एक र १५ हजार एक रुपैँया रहेको छ।