नेपाल प्रहरीका ५ एसएसपीको डीआईजीमा बढुवा सिफारिस

१८ पुस, काठमाडौँ । नेपाल प्रहरीका ५ जना वरिष्ठ प्रहरी उपरीक्षक (एसएसपी) लाई नायब महानिरीक्षक (डीआईजी) मा बढुवा सिफारिस हुनुभएकाे छ ।

बढुवा सिफारिस समितिले यो सूची प्रकाशित गरेको हाे। बढुवा सिफारिसमा ईश्वर कार्की, राजेन्द्रप्रसाद भट्ट, दिनेशकुमार आचार्य, अरुण पौडेल र गोविन्द थपलिया पर्नुभएकाे हाे ।

कार्की नेपाल प्रहरी प्रधान कार्यालय अन्वेषण योजना तथा विकास कार्यालय, नक्सालमा कार्यरत हुनुहुन्छ । यस्तै, भट्ट कर्णाली प्रदेश प्रहरी तालिम केन्द्र, सुर्खेतमा कार्यरत हुनुहुन्छ भने आचार्य लागूऔषध नियन्त्रण ब्यूरो, काठमाडौँ र पौडेल अख्तियार दुरुपयोग अनुुन्धान कार्यालय, काठमाडौँ तथा थपलिया नेपाल प्रहरी प्रधान कार्यालय मानवस्रोत विकास विभाग, वृत्ति विकास महाशाखा नक्सालमा कार्यरत हुनुहुन्छ ।