नेपालटारमा मोटरसाइकल दुर्घटनामा परी एक जनाको मृत्यु
१६ पुस, काठमाडौँ । काठमाडौँको तारकेश्वर नगरपालिका वडा नम्बर १० नेपालटारमा सोमबार राति मोटरसाइकल दुर्घटनामा परी एक जनाको मृत्यु भएको छ । सोमबार राति साढे ९ बजे बा ९७ प ६५४९ नम्बरको मोटरसाइकल दुर्घटना हुँदा घाइते भएका संखुवासभाको चैनपुर घर भई हाल बौद्ध बस्ने ३३ वर्षीय कमल राईको अस्पतालमा उपचारको क्रममा मृत्यु भएको प्रहरीले जनाएको छ ।
दुर्घटनामा घाइते भएका राईलाई लगत्तै ग्रिनसिटी अस्पताल पुर्याइएको थियो । लगत्तै चिकित्सकले उनको मृत्युको घोषणा गरेका थिए । तीब्र गतिमा रहेको मोटरसाइकल अनियन्त्रित भएर दुर्घटनामा परेको प्रहरीले जनाएको छ ।
प्रकाशित मिति : १६ पुष २०८१, मंगलवार ०८:१९
