इटहरीमा बम जस्तै देखिने शंकास्पद वस्तु फेला, घटनास्थल नेपाली सेनाको नियन्त्रणमा

१६ पुस, काठमाडौँ । कोशी प्रदेशको सुनसरी जिल्लाको इटहरीमा बम जस्तै देखिने शंकास्पद वस्तु फेला परेको छ । इटहरी उपमहानगरपालिकाको गेट अगाडी शङ्कास्पद बस्तु फेला परेको प्रहरीले जनाएको छ ।

उपमहानगरपालिकाको गेट अगाडी कालो झोलामा तार सहितको शङ्कास्पद बस्तु फेला परेको र अहिले घटनास्थल नेपाली सेनाको नियन्त्रणमा रहेको प्रहरीले जनाएको छ ।

मुख्य राजमार्गकै छेउमा कसले यस्तो गर्यो भनेर चोकको सिसि क्यामेराहरूको समेत विश्लेषण सुरू भएको प्रहरीले जनाएको छ । केहीबेरमा सेनाको बम डिस्पोजल टोली आइपुगेपछि थप कारबाही अघि बढ्ने प्रहरीले जनाएको छ ।