बारामा कारभित्र एकजना मृत अवस्थामा फेला, घटना शंकास्पद
६ पुस, जनकपुरधाम । बाराको जीतपुर सिमरा उपमहानगरपालिका-११ मा एकजना मृतक अवस्थामा कारभित्र फेला परेका छन् । बागमती प्रदेश ०१,०२८ च ७६१६ नम्बरको कारभित्र एकजना पुरुष मृत अवस्थामा फेला परेका हुन् ।
स्थानीयले भने ती व्यक्तिलाई कसैले गोली हानेर हत्या गरेको हुनसक्ने बताएका छन् ।
बाराका प्रहरी उपरीक्षक (एसपी) महेन्द्र खड्का अनुसार गोली लागेको वा नलागेको अहिले केही भन्न नसकिने बताए ।
उक्त घटनास्थलमा एसपी खड्का नेतृत्वको टोली पुगेर अनुसन्धान थालेको छ भने मृतकको पहिचान खुलिसकेको छैन ।
यधपी, एसपी खड्काले तालिम प्राप्त कुकुरको टोली बोलाएर अनुसन्धान गरिने समेत बताए ।
प्रकाशित मिति : ६ पुष २०८१, शनिबार १२:१२
