कुँवर कोलनीको गेट नजिकै एक घरमा आगलागी

४ पुस, काठमाडौँ । काठमाडौँको धापासीमा एक घर आगलागी भएको छ । काठमाडौंको टोखा नगरपालिकाको वडा नम्बर ६  धापासी हाइटमा रहेको कुँवर कोलनीको गेट नजिकै भाइकाजी श्रेष्ठको घरमा आगलागी भएको प्रहरीले जनाएको छ । आगलागीबाट साढे तीन तलाको घर पूरै जलेको प्रहरीले जनाएको छ ।

घरमा बालेको हिटरका कारण आगलागी भएको हुनसक्ने प्रहरीले अनुमान गरेको छ । अपरान्ह ५ बजेर २० मिनेट जाँदा आगालागी भएको थाहा पाएको छिमेकीहरूले बताएका छन । दमकल पुगेर अहिले आगो नियन्त्रणमा लिने प्रयस गरिरहेको छ । अगलागीको बारेमा थप विवरण प्राप्त हुन बाँकी रहेको छ ।