सुनको मूल्य तोलामा १७०० रुपैयाँ घट्यो, चाँदीको कति?

४ पुस, काठमाडौँ। साताको पाँचौ कारोबारको दिन बिहिबार पनि नेपाली बजारमा सुनको मूल्य घटेको छ ।

नेपाल सुनचाँदी व्यवसायी महासंघका अनुसार बिहीबार सुन तोलामा १ हजार ७ सय रूपैयाँले घटेर प्रतितोला १ लाख ४९ हजार रुपैयाँ कायम भएको हो ।  यसअघि बुधबार सुनको मूल्य तोलामा १ लाख ५० हजार ७०० रुपैयाँमा कारोबार भएको थियो ।

त्यस्तै, बिहिबार चाँदीको मूल्य पनि घटेको छ । बुधबार तोलामा १ हजार ८३५ रुपैयाँमा कारोबार भएको चाँदी यस दिन १ हजार ७८० रुपैयाँ कायम भएको महासंघले जनाएको छ ।