एनपीएल: विराटनगरले पोखरालाई दियो १४० रनको लक्ष्य

२७ मंसिर, काठमाडौं । नेपाल प्रिमियर लिग एनपीएल अन्तरगत अहिले विराटनगर किङ्स र पोखरा एभेन्जर्स खेलिरहेका छन् । टस जितेर पहिले ब्याटिङ गरेको विराटनगरले पोखरालाई जितका लागि १४० रनको लक्ष्य दिएको छ ।

कीर्तिपुरस्थित टीयू मैदानमा टस जितेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाएर १३९ रन बनाएको हो ।

विराटनगरका लागि डेब्यु गरेका नेदरल्याण्ड्सका कप्तान स्कट एडवार्ड्सले सर्वाधिक ४५ रन बनाए । साथै उनले ३५ बल खेल्दै ५ चौका प्रहार गरे भने ओपनर लोकेश बमले २६ र निकोलस किर्टोनले १९ रन जोडे ।

बसिर अहमदले २० बल खेल्दै १ छक्का मदतमा अविजित २१ रन बनाए ।