धवनको अर्धशतकमा काठमान्डुलाई दियो कर्णालीले १५० रनको लक्ष्य
१९ मंसिर, काठमाडौं । शिखर धवनले अर्धशतक प्रहार गरेपछि नेपाल प्रिमियर लिग (एनपीएल)मा काठमान्डु गुर्खाजलाई कर्णाली याक्सले १५० रनको लक्ष्य दिएको छ ।
टस हारेर पहिले ब्याटिङ गरेको कर्णालीले २० ओभरमा ५ विकेट गुमाएर १४९ रन बनायो ।
धवनले ५१ बल खेल्दै ४ चौका र ५ छक्का मदतमा अविजित ७२ रन जोडे । साथै उनले छैटौं विकेटका लागि भने जिसान मक्सुदसँग अविजित ६५ रनको साझेदारी गरे ।
मक्सुदले ११ बल खेल्दै १ चौका मदतमा अविजित १४ रन जोडे ।
त्यस्तै, चाडविक वाल्टनले २१, बाबा रहायतले १३ र गुल्सन झा ले २ रन जोडे ।
प्रकाशित मिति : १९ मंसिर २०८१, बुधबार ११:००
