पुलको पर्खाल भत्किदाँ रोल्पामा ५ जनाको ज्यान गयो
१६ मंसिर, काठमाडौँ । पुलको पर्खाल भत्किदाँ रोल्पामा ५ जनाको ज्यान गएको छ । प्रहरीका अनुसार निर्माणाधीन झोलुङ्गे पुलको पर्खाल भत्किँदा पाँच जनाको मृत्यु भएको हो ।
जिल्लाको सुनछहारी गाउँपालिका वडा नम्बर ३ मा निर्माणाधीन झोलुङ्गे पुलको पर्खाल भत्किदाँ ५ जनाको मृत्यु भएको जिल्ला प्रहरी प्रमुख डिएसपी भरत लामाले जानकारी दिनुभयो ।
उहाँले आइतबार बिहान करिब ९:५० बजे पर्खाल भत्किँएको बताउनुभयो ।
प्रहरीका अनुसार मृत्यु हुनेमा सुनछहरी ३ बाहिरी गामका २७ वर्षीया आइती परियार, ६६ वर्षीयदेवीराम परियार, ४५ वर्षीय दुजमान परियार, ३१ वर्षीय ओम परियार र ४० वर्षीया सुवित्रापरियारको मृत्यु भएको छ । प्रहरीले २ जनाले भागेर ज्यान जोगाउन सफल भएको जनाएको छ ।
प्रकाशित मिति : १६ मंसिर २०८१, आईतवार १३:४६
