रेडियो नेपालको अनलाइन सम्पादकमा वरिष्ठ पत्रकार दाहाल

११ मंसिर, काठमाडाैँ । रेडियो नेपालको अनलाइन न्युज पोर्टल www.radionepalonline.com को सम्पादकमा वरिष्ठ पत्रकार प्रमोदकुमार सिंह(दाहाल) नियुक्त हुनुभएको छ । ३ दशक भन्दा लामो समयदेखि नेपाली पत्रकारिता क्षेत्रमा सक्रिय दाहाललाई अनलाइनको सम्पादक नियुक्त गरिएको कार्याकारी निर्देशक अमरध्वज लामाले जानकारी दिनुभयो ।

दाहालले रेडियो नेपालको रिपोर्टिङ शाखा प्रमुखको जिम्मेवारीसमेत सम्हाल्दै आउनु भएको छ । यसैगरी अङ्ग्रेजी भाषाको समाचारमा सम्पादक पदमा कार्यरत अर्जुन सापकोटालाई अनलाइन न्युज पोर्टलको सह–सम्पादकको जिम्मेवारी दिइएको छ ।

नवनियुक्त सम्पादक दाहालले रेडियो नेपालको आधिकारिक अनलाइन न्युज पोर्टललाई थप पहुँचयोग्य, व्यावसायिक र प्रतिस्पर्धी बनाउन लागि पर्ने बताउनुभएको छ । रेडियो नेपाल र नेपाल टेलिभिजन सम्मिलित सार्वजनिक सेवा प्रसारण संस्था गठनको प्रक्रियामा रहेको अवस्थामा सबै वर्ग, क्षेत्र र समुदायका सवालहरूलाई पोर्टलमा विशेष स्थान दिईने बताइएको छ ।