एमसिसि साउथ अष्ट्रेलियाको बोर्डमा मञ्जु खड्का

अष्ट्रेलिया । साउथ अष्ट्रेलियामा रहेका विभिन्न समुदायिक संस्थाहरुको साझा मञ्च बहुसांस्कृतिक समुदायिक परिषद (मल्टिकल्चर कम्युनिटिज काउन्सिल, एमसिसि) साउथ अष्ट्रेलियाको साधारण सभाले मिरियम ककिङको अध्यक्षतामा नयाँ कार्यसमिति चयन गरेको छ ।

सभाले नेपाली समुदायकी अगुवा तथा साउथ अष्ट्रेलिया सरकारको बहुसास्कृतिक आयोग सदस्य मञ्जु खड्कालाई परिषदको सदस्यमा तेस्रो कार्यकालका लागि निर्विरोध चयन गरेको छ । परिषदमा लामो समय देखि स्वयंसेवकको भुमिका समेत निभाएकी खड्का परिषद अन्तर्गत महिला काउन्सिलको संस्थापक समेत रहेकी छिन् ।

सदस्यमा निर्विरोध निवार्चित भए पछि प्रतिक्रिया दिदै खड्काले नेपाली समुदाय र हाम्रा संस्थाहरुलाई यहा सरकार र  अन्य समुदाय संग जोड्न आफु विगतमा जस्तै क्रियाशिल रहने बताईन् ।

साधारण सभाले ककिङ र खड्का बाहेक उपाध्यक्षमा डा इयान हार्मस्टोर्फ, कोषाध्यक्ष सिल्भियो लाडारोला, बोर्ड सदस्यहरु गोसिया स्कल्बन, नासिर हुसेन, सुरेन एडगर, प्याट्रिजिया काडिस, रानिल्सन सान्ताना रहेका छन् । भने संरक्षक मा पुर्व गभर्नर हु भ्यान लरे सी रहेका छन् ।

१९० विभिन्न समुदायिक संस्थाहरु सदस्य रहेको परिषदको साधारण सभामा साउथ अष्टरेलिया सरकारको बहुसांस्कृतिक मन्त्रीको प्रतिनिधित्व समेत गरेकी संसद सदस्य मीरा ईआई डन्नावीले राज्यका विभिन्न क्षेत्रलाई सरकारले समावेशी र सास्कृतिक रुपमा सबैको सम्मानजनक बनाउने प्रयासमा परिषदले गरेको सहयोगको प्रशंसा गरेकी थिईन ।

अध्यक्ष ककिङले परिषदले गत बर्षको कामको प्रगती विवरण पेश गर्दै संस्थाका सहयोगी तथा स्वयंसेवकहरुलाई धन्यवाद ज्ञापन गरेकी थिईन । यसै गरि कोषाध्यक्ष सिल्भियो लाडारोलाले गत बर्षको आर्थिक विवरण पेश गरेका थिए ।

कार्यक्रममा क्रोसियन सहितका समुदायमा उत्कृष्ट कार्य गर्ने संस्थाहरुलाई सम्मान गरिएको थियो ।

साउथ अष्ट्रेलिया सरकारको बहुसास्कृतिक आयोग अध्यक्ष लुइसा ग्रीको सहित बिभिन्न समुदायका अगुवाहरुको सहभागीता रहेको थियो ।