सीटीईभीटीको उपाध्यक्षमा प्रा डा ओमप्रसाद बराल

९ मंसिर, काठमाडाैँ । प्राविधिक शिक्षा तथा व्यवसायिक तालिम परिषद् (सीटीईभीटी) को उपाध्यक्षमा प्रा डा ओमप्रसाद बराल नियुक्त हुनुभएको छ । कास्की स्थायी घर रहनुभएको बराललाई मन्त्रिरिषद्को बिहीबारको बैठकले उपाध्यक्षमा नियुक्त गरेको हो ।

त्रिभुवन विश्वविद्यालयमा अनुगमन निर्देशनालयमा बसेर महत्वपूर्ण जिम्मेवारी सम्हालिसक्नुभएको बराल ४ वर्षका लागि उपाध्यक्षमा नियुक्त हुनुभएको हो । यसअघिका उपाध्यक्ष खगेन्द्रप्रसाद अधिकारीको असार १ गते कार्यकाल सकिएको थियो ।

शिक्षा मन्त्रालयले खुला प्रतिस्पर्धबाट उपाध्यक्षको नियुक्ति गरेको हो । मन्त्रालयले कार्यविधि नै बनाएर दरखास्त आव्ह्रान गरेको थियो । प्रस्तुतीकरण र अन्तरवार्ताबाट राष्ट्रिय योजना आयोगका सदस्य संयोजक रहेको छनौट समितिले मुल्याङ्कन गरी नियुक्तिका लागि सिफारिस गरेको थियो । सोही आधारमा बराल उपाध्यक्षमा नियुक्त हुनुभएको हो । सीटीईभीटीको अध्यक्ष शिक्षा मन्त्री नै रहने व्यवस्था छ ।