प्रधानमन्त्री ओली र अमेरिकी व्यापारी मस्कबीच भर्चुअल संवाद

७ मंसिर, काठमाडौँ । प्रधानमन्त्री केपी शर्मा ओली र अमेरिकी व्यापारी एलन मस्कबीच भर्चुअल संवाद भएको छ । शुक्रबार अबेर प्रधानमन्त्री निवास बालुवाटारबाट ओलीले मस्कसँग संवाद गर्नुभएको प्रधानमन्त्रीको प्रेस संयोजक प्रकाश सिलवालले जानकारी दिनुभयो ।

अमेरिकी राष्ट्रपतिमा निर्वाचित हुनुभएको डोनाल्ड जे ट्रम्पको चुनावी अभियानका एक मुख्य कमाण्डार मस्कसँग के विषयमा छलफल र कुराकानी भयो भन्ने बारेमा भने प्रधानमन्त्रीको सचिवालयले केही जानकारी दिएको छैन । मस्क विश्व चर्चित विद्युतीय सवारी टेस्ला र सामाजिक सञ्जाल एक्सको मालिक हुनुहुन्छ ।