घरजग्गा व्यवसायी नुवाकोटका विक्रम लामाको हत्या प्रयास गर्ने अर्का एक पक्राउ
२ मंसिर, नुवाकोट । काठमाडौँमा घरजग्गाको व्यवसाय गर्दै आएका नुवाकोटका विक्रम लामो हत्या प्रयास गर्ने थप एक जना पक्राउ परेका छन । काठमाडौँ उपत्यका अपराध अनुसन्धान कार्यालयले लामाको हत्या प्रयासमा संलग्न रहेको मध्येका गोरखाका २९ वर्षीय निश्चल सुनुवारलाई पक्राउ गरिएको जनाएको छ ।
काठमाडौंको लाजिम्पाटमा इनोभा अस्पतालको पार्किङमा गएको कात्तिक ११ गते व्यवसायी लामामाथि अन्धाधुन्ध रड प्रहार गरेर गम्भीर घाइते बनाइएको थियो । घटनामा संलग्न रहेका नुवाकोटकै मार्सल तामाङ यसअघि नै पक्राउ भैसकेका छन ।
नुवाकोटको ककनी गाउँपालिका(६ का ३५ वर्षीय लामा निकटले भने बेलायतमा रहेकी एक महिलाले हत्यका लागि सुपारी दिएर गुण्डा परिचालन गरिएको बताएका छन । आक्रमणमा अजय लामा, निश्चल सुनार र दीपक बरामु संलग्न रहेको प्रहरीले जनाएको छ । आक्रमणमा संलग्न भएका मध्ये अजय लामा र दीपक बरामु अझै पक्राउ परेका छैनन् । रड प्रहारबाट घाइते लामाको ग्रीन सिटी अस्पतालमा उपचार भैरहेको छ ।
प्रकाशित मिति : २ मंसिर २०८१, आईतवार १२:३७
