एमाले युवा विद्यार्थी विशेषको अध्यक्षमा शिवाकोटी सचिवमा न्याैपाने (सम्पूर्ण विवरणसहित)

१ मंसिर, काठमाडाैँ । नेकपा एमालेको गैर भुगोल जिल्ला कमिटी युवा विद्यार्थी विशेष जिल्ला कमिटीको अध्यक्षमा सुदर्शन शिवाकोटी निर्विरोध निर्वाचित हुनुभएको छ । जिल्ला कमिटीको पाचौ अधिवेशनबाट शिवाकोटी निर्वाचित हुनुभएको हो भने, सचिवमा नरेन्द्र न्यौपाने पनि निर्विरोध निर्वाचित हुनुभएको छ ।

उपाध्यक्ष र उप सचिवमा भने निर्वाचन भएको छ । उपाध्यक्षमा श्यामकाजी खत्रीले प्रकाश भुजेललाई पराजित गर्नुभयो । श्यामकाजीले १७१ मत ल्याउदा प्रकाशले ६३ मतमात्र प्राप्त गर्नुभयो । उपसचिव महिलामा बिनिता काफ्लेले १६१ मत पाउँदै विजयी हुनुभयो भने पराजित सजिना थापा मगरले ७० मत प्राप्त गर्नुभयो । त्यस्तै उपसचिवमा जगत लामा पनि निर्विरोध निर्वाचित हुनुभएको छ ।

शनिबार मतदान गरेर केही पदमा निर्वाचन सम्पन्न गराएपछि दैनिकीसँग कुरा गर्दै एमाले केन्द्रीय सदस्य एवं कमिटीका इन्चार्ज रमेश पाैडेलले सबै कोशिश गर्दा पनि सहमति गर्न नसकेपछि निर्वाचन गरिएको जानकारी दिनुभयो । उहाँले दैनिकीसँग भन्नुभयो, ‘हामीले कमिटीका सम्पूर्ण पदहरुमा सर्वसम्मत गर्ने कोसिस गरका थियाैँ, उपाध्यक्ष र उपसचिवमा सकेनौ । लोकतान्त्रिक विधि मार्फत नया कमिटी चयन गर्न सक्यौँ ।’

अधिवेशनको गत कार्तिक २८ गते ललितपुरको च्यासलमा एमाले महासचिव शंकर पोखरेलले उद्घाटन गर्नु भएको थियो । सो अवसरमा अनेरास्ववियुको पूर्व अध्यक्ष र महासचिवहरूलाइ सम्मान समेत गरिएको थियो ।

यस्तो पूर्ण कमिटी