लगातार चौथो दिन पनि घट्यो सुनको भाउ

२८ कार्तिक, काठमाडौँ । साताको चौथो कारोबारको दिन बुधबार नेपाली बजारमा सुनको मूल्यमा सामान्य गिरावट भएको छ ।

नेपाल सुन-चाँदी व्यवसायी महासंघका अनुसार आज सुन तोलमा ४ सय रूपैयाँले घटेर प्रतितोला १ लाख ६२ हजार २०० रुपैयाँ कायम भएको छ । यसअघि मंगलबार १ लाख ६२ हजार ६०० मा कारोबार भएको थियो ।

यधपी, चाँदीको मूल्य भने बुधबार बढेको छ । मंगलबार प्रतितोला १९२५ रुपैयाँमा कारोबार भएको चाँदी यस दिन प्रतितोला १९४० रुपैयाँ कायम भएको महासंघले जनाएको छ ।