एडिलेड आउदै राप्रपा अध्यक्ष तथा पुर्व उपप्रधानमन्त्री राजेन्द्र लिङ्देन

एडिलेड । राष्ट्रिय प्रजातन्त्र पार्टीका अध्यक्ष तथा पुर्व उपप्रधानमन्त्री राजेन्द्रप्रसाद लिङ्देनले आजबाट गर्ने  अष्ट्रेलिया भ्रमणको क्रममा २० अगष्ट मंगलवार एडिलेड आउने भएका छन् । राप्रपाको प्रवासी शुभेच्छुक संस्था प्रवासी नेपाली एकता समाज अष्ट्रेलिया साउथ अष्ट्रेलियाको आयोजनामा हुने  अन्तरक्रियाका लागि एडिलेड आउन लागेका हुन् ।

प्रवासी नेपाली एकता समाज साउथ अष्ट्रेलिया अध्यक्ष केदार श्रेष्ठका अनुसार स्थानीय एभरेष्ट इभेन्ट सेन्टरको हालमा आयोजना गरेको विशेष कार्यक्रममा अध्यक्ष लिङ्देनले यहाँको नेपाली समूदायसंग अन्तरक्रिया गर्नेछन् ।

कार्यक्रम साँझ ५ बजेदेखि ९ बजेसम्म कार्यक्रम हुनेछ । कार्यक्रममा सहभागी हुनका लागि एडिलेडको नेपाली समूदायका अगुवाहरुलाई आमन्त्रण गरिएको पनि उनले जानकारी दिए ।

अध्यक्ष लिङ्देनका साथ राप्रपाका प्रवक्ता, कोशी प्रदेश संसदीय दलका नेता भक्ति सिटौला, राप्रपा विदेश विभाग प्रमुख आनन्द अधिकारी, केन्द्रिय सदस्य  हिक्मत जंग कार्की पनि हुनेछन् ।