सौर्य एयरलाइन्स दुर्घटनामा एकै परिवारका तीन जनाको मृत्यु

९ साउन, काठमाडौँ । सौर्य एयरलाइन्सको बुधबार भएको जहाज दुर्घटनामा एकै परिवारका तीन जनाको मृत्यु भएको छ । दुर्घटनामा सौर्य एयरलाइन्समा नटेवर्क एण्ड सर्भर एडमिनिस्ट्रेटर रहेका मनुराज शर्मासहितको परिवारका तीन जनाको ज्यान गएको हो ।

मनुराजा, उनको श्रीमती प्रिजा खतिवडा र छोरा अधिराज शर्मा गरी एकै परिवारका तीन जना विमानमा सवार रहेका थिए । उनीहरू तीनै जनाको दुर्घटनामा मृत्यु भएको छ । प्रिजा ऊर्जा मन्त्रालयमा कम्प्युटर अपरेटरका रूपमा कार्यरत रहेकी थिइन ।

सौर्य एयरलाइन्सले मृतकहरू सबै आफ्नै स्टाफ प्राविधिक र कर्मचारी भने पनि दुइ जना सौर्यको कर्मचारी नरहेको खुलेको छ । मृत्यु हुनेमा एक जना बालक रहेका छन भने एक जना उर्जा मन्त्रालयका कम्युटर अपरेटर रहेका छन । प्रिजा नेकपा एकीकृत समाजवादी पार्टीका प्रचार विभागका सचिव प्रकाश खतिवडाकी छोरी हुन ।