कोपा अमेरिकाको उपाधि लगातार दोस्रो पटक अर्जेन्टिनाको पोल्टामा
३१ असार, काठमाडौँ । कोपा अमेरिका फुटबल प्रतियोगिता २०२४ को उपाधि फेरि अर्जेन्टिनाले जितेको छ । नेपाली समय अनुसार सोमबार बिहान भएको खेलमा फाइनलमा कोलम्बियालाई १-०ले पराजित गर्दै अर्जेन्टिनाले उपाधि उचाल्यो ।
अर्जेन्टिनाका लागि १२२ औँ मिनेटमा २२ नम्बरका खेलाडी मार्टिनेजले निर्णाय गोल गरे । निर्धारित समयको खेल गोलरहित बाराबरीमा सकिएपछि ३० मिनेट समय थपिएको थियो । थपिएको समयमा अर्जेन्टिनाको तर्फबाट गोल भयो। योसँगै कोपा अमेरिकाको उपाधि अर्जेन्टिनाले १६ औँ पटक उचालेको छ ।
८ औँ पटकसम्म फिफा वर्ष खेलाडी हुन सफल भएका लियोनल मेस्सीको कप्तानीमा रहेको अर्जेन्टिनाले फुटबलमा नयाँ नयाँ कीर्तमान बनाउँदै आएको छ । यो जीतसँगै अर्जेन्टिनाका खेलाडी डि मारियाको अन्तर्राष्ट्रिय फूटबल करिअरमा सुखद विदाई समेत भएको छ ।
प्रकाशित मिति : ३१ असार २०८१, सोमबार १०:१८
