दक्षिणकालीको थाई गुम्बाको पर्खाल भत्किएर पुरिएका ६ नाबालकको उद्धार
२८ असार, काठमाडाैँ । काठमाडौँको दक्षिणकाली नगरपालिका- ५ थाई गुम्बा नजिकैको पर्खाल भत्किँदा पुरिएका ६ बालकको उद्धार गरिएको छ ।
शुक्रबार दिउँसो ३ बजेर ५० मिनेटको समयमा पर्खाल भत्किँदा उक्त गुम्बामा बस्ने ६ जना नाबालकहरू पुरिएका थिए ।पर्खाल भत्किएलगत्तै इलाका प्रहरी कार्यालय फर्पिङबाट खटिएको प्रहरी टोलीले उनीहरूको उद्धार गरेको हाे । प्रहरीले स्थानीयको सहयोगमा उनीहरूलाई उद्धार गरेर वयोधा अस्पताल बल्खुमा उपचारका लागि पठाएको छ ।
उद्धार गरेर उपचारका लागि पठाइएका मध्ये एक जनाको मृत्यु भएको छ । सिन्धुपाल्चोकका पल्जोम तामाङको मनमोहन स्मृति अस्पताल फर्पिङमा उपचार कै क्रममा मृत्यु भएको प्रहरीले जनाएको छ ।
प्रकाशित मिति : २८ असार २०८१, शुक्रबार १७:४२
