दाङको राप्ती नदीमा फसेका तिन जना मध्ये एक जना बेपत्ता, दुईको सकुशल उद्धार

२२ असार, काठमाडौँ । दाङको राप्ती नदीको बाढीमा फसेका तिन जना मध्ये एक जना बेपत्ता भएका छन् । दुई को सकुशल उद्धार गरिएको छ ।

दूध बिक्री गर्ने क्रममा लमही गएका तीनमध्ये राजपुर गाउँपालिका २ का १८ वर्षीय राजकुमार यादव फर्किने क्रममा बाढीले बगाएर बेपत्ता भएको प्रहरीले जनाएको छ ।

अर्जुनखोलामा खटिएका सुरक्षाकर्मी सशस्त्र प्रहरी बल ४१ नम्बर रिजर्भ गणले  राजपुर २ निवासी ४८ वर्षीय तुलाराम र ४० वर्षीय दयाराम यादवको उद्धार गरेका प्रहरी सहायक निरीक्षक प्रकाश ढकालले जानकारी दिए ।