‘सीआईडी’का अभिनेता दिनेश फडनिसको निधन
१९ मंसिर, एजेन्सी । भारतीय टेलिभिजन सोनीको चर्चित कार्यक्रम सीआईडीमा फ्रेडरिकको भूमिका निर्वाह गरेका अभिनेता दिनेश फडनिसको निधन भएको छ ।
हृदयघातपछि केही दिन यता मुम्बइको तुङ्गा अस्पतालमा भर्ना भएका उनको आज बिहान निधन भएको भारतीय सञ्चारमाध्यमहरुले जनाएका छन् । फडनिसको अन्तिम संस्कार मुम्बइमा गरिएको छ ।
दिनेशले सीआईडीमा फेड्रिकको भूमिका निभएपछि उनी सोही नामले चर्चित थिए । १९९८ मा सुरु भएको उक्त टेलिभिजन सिरियल २० वर्ष चलेको थियो । दिनेशले तारक मेहेताका उल्टा चस्मासहित सर्फरोस, सुपर ३० लगायतका विभिन्न फिल्महरुमा अभियन गरेका थिए ।
प्रकाशित मिति : १९ मंसिर २०८०, मंगलवार १३:४०
